SKROT er ei folkemusikkgruppe med utspring frå Ole Bull-akademiet på Voss. Dei seks unge musikarane har alle sterke røter i runddansmusikken, men evner samstundes å utfordre musikken med element frå ulike sjangrar.
Debutalbumet deira, «Steg» inneheld ei god blanding av tradisjonelle og nykomponerte melodiar, lekkert arrangert for trekkspel, feler, gitar og kontrabass. Innimellom dukkar det opp mandola og hardingfeler, noko som gjer dette til ei svært variert gammaldansplate.
Med Ragna Valde Sletten (fele, hardingfele), Ane Stakston Aasen (fele, hardingfele), Steinar Odde (trekkspel, gitar), Vegard Hansen (trekkspel), Semon Harerusten (gitar, mandola) og Simen Håland (kontrabass).
