Folkemusikkgruppa Sindre & Co frå toradarøya Osterøy serverer drivande dansemusikk og lyriske tonar med røter i vestnorsk tradisjon. Med inspirasjon frå kjende namn som Osa, Mosafinn og Vabø, og med eigne slåttar og arrangement, skapar dei eit uttrykk som er både jordnært og nyskapande. Med sitt debutalbum byr dei på spelarglede, dansedriv og eit ønske om å nå ut til både lyttarar og dansarar. Dette er ei plate som famnar vidt – frå det ettertenksame til det sprudlande.
