Mari Midtli og Astrid Sulheim er to av Noregs mest akta folkemusikarar på høvevis vokal og fele. Dei har no gått saman og laga eit album som hyller kvinnene som er omtala i både vokal- og slåttemusikken. Mari og Astrid tek sine eigne liv med og fortel med kjærleik, kraft og identitet. Dei gjer det stort sett kvar for seg – berre to av spora er i samspel. Og det kjennest ekstra forfriskande å høyre dette materialet slik. Det er ujålete og ekte fortalt.
