I stugun

“I stugun” er det fyrste duoalbumet til trekkspelar Vegard Hansen (Aure) og felespelar Ragna Valde Sletten (Vågå). Slåttane på plata er varierte i opphav og uttrykk, alt frå menuettar frå 1700-talet til nykomponert musikk. I tillegg har musikarane henta slåttar frå lokale arkiv som no har fått ny musikalsk drakt. Tradisjonsområda Ottadalen og Nordmøre står sentralt i denne produksjonen, med fleire slåttar etter tradisjonsberarane Rolf Sletten, Ole Nilsen Brekkan og Hallvard Ørsal. Duoen har gjennom fleire år med samspel, mellom anna på Ole Bull Akademiet på Voss, forma sitt eige uttrykk som kjem fram på denne plata.