Sivert Holmen (1992) frå Valdres er ein utøvande og skapande musikar på hardingfele og hardanger d’amore. Holmen er ein hardingfelevirtuos med repertoar som strekker seg frå blodtradisjonelle slåttar frå Valdres, improvisert musikk og moderne komposisjonsmusikk. I dobbelt-vinylen Stillheitas diskotek får vi ei todelt oppleving av Sivert som tradisjonsutøvar og som nyskapande kunstnar. Fyrste del av albumet består av tradisjonelle lydarlåttar, kalla lydarlæte, frå Valdres. Lydarlæte er ein særeigen musikktradisjon frå Valdres, med ein distinkt lyttesituasjon frå før ein starta med konsertar på hardingfele. Andre del er rekomposisjonar, improvisasjonar og variasjonar med utgangspunkt i desse lydarlåttane, laga av Sivert Holmen.
