Låtskrivar, lyrikar og lomvær Frikk Gjeilo kjem endeleg ut med ny musikk. Låtar frå debutalbumet hans Hyttebok (2021) blir stadig spelt på radioen, og denne gongen tek han lyttaren med «heim åt seg» for å syngje om personar og stader han kjenner godt. Tekstene er framleis personlege og på lomsdialekt. Saman med felespelar Bjørn Kåre Odde, som også er produsent på den nye plata, skapar dei eit spennande og akustisk lydbilde som kan minne både om jazz og folkemusikk.
