Folk Chamber II

Dette albumet er ein oppfylgjar til felespelar Bjørn Kåre Odde si prisbelønte utgjeving Folk Chamber som kom hausten 2021. Med namnet vidareført er òg konseptet det same: Folkemusikk i kammermusikalsk drakt. På det første albumet arrangerte han eit utval av sine eigne komposisjonar for stryketrio, -kvartett og -kvintett. Denne gongen har han valt å skrive for strykesekstett, med unntak av spor tolv som er skrive for kvartett. Han har dessutan handplukka musikarane og tilpassa arrangementa deretter. Musikarane i dette ensemblet har bakgrunn frå både folkemusikk, klassisk, jazz og populærmusikk, noko som tydeleg kjem fram i arrangementa og måten dei blir utøvd på.