Sidan 2017 har Gjevre, Odde & Vårdal spelt saman som ein trio og dette er det tredje albumet dei gjev ut. Spelstundene har vore mange og dei har reist mykje i både inn- og utland med musikken. Dei har eit særpreg i lydbiletet og finn stadig nye måtar å løyse samspelet mellom torader, hardingfele og trekkspel på.
Dette albumet er bygd på dei same prinsippa som dei to andre utgjevingane; tradisjonsmusikk frå Nord-Gudbrandsdalen med størst fokus på dansespel, ispedd eigenkomponerte slåttar i ein tradisjonell stil.
Gamle slåttar vidareførast av spelemenn til spelemenn. Slåttane blir forma av den einskilde spelemann. Å forme ein slått kan føre til ein heilt ny slått. Bak i horisonten er det lag på lag med tradisjonar, og desse tradisjonane fører dei vidare. Derfor blir dette albumet kalla «Horisont»
