I 1997 møttest fire ungdommar for øving i e i gamlestoge i Vinje. Lars Underdal (25), Odd Nordstoga (24), Asgaut Bakken (23) og Silje Hegg (21). Det var starten på folkemusikkorkesteret Blåmann Blåmann og fem år med moro, fest, surmuling, musikk, latter, allsang og kaos. No er det 20 år sidan det legendariske albumet deira kom ut, og det skal feirast med remastra vinyl med heile 5 bonusspor og reunionkonsert på Rockefeller 15. oktober!
Det heile starta med at Ellen - mor til Odd - dreiv ei lita reiselivsbedrift og hadde funne ut at denne gjengen skulle sendast til Tyskland for å reklamere for Noreg som reisemål. Då gjengen kom heimatt var det fleire som ville høyre kva dei hadde øvd seg på i Tyskland. Fyrst sporadisk, men etter kvart balla det på seg med både skulekonsertar og festivalar, TV, radio og fleire utanlandsturar. Etterkvart kom det på tale å spele inn plate, der fyrstesporet «Tippe tippe tuve» gjekk til topps på Norsktoppen og så smått kom dei også litt ut av folkemusikkens emneområde og blei ei av dei fyrste gruppene av dette slaget som spelte på By:larm.
Sporliste
SIDE A Tippe tippe tuve Tjønnbergen Storebroer og lillebroer Trollspringar Trollhalling Side B Skuldalsbruri Langåkeren På Dovrefjell Tukthusen Helga Djuviken Side C Gøytilsjenta Myllarens seiste springar Målfrid mi fruve Margit Hjukse Side D Møsstrondsfenta og Halling etter Embrik Beitohaugen Liti Kjersti Sigurd Jondalen Nøringen og Fanteguten
